مرجع مسلمین وجہانِ تشیع حضرت آیت اللہ العظمیٰ الحاج حافظ بشیرحسین نجفی دام ظلہ الوارف کے فرزند  اور مرکزی دفتر کے مدیر حجۃالاسلام شیخ علی نجفی دام عزہ نے   مرکزی دفتر نجف اشرف میں ویٹیکن میں اسلامی جمہوری  ایران کے سفیر اور ان کے ہمراہ وفد کا خیر مقدم فرمایا  ۔

ملاقات میں مذاہب بالخصوص اسلامی اور عیسائی مذہب کے درمیان مشترکہ اہداف کو مضبوط کرنے اور ان کی حمایت اور فعال کرنے کی اہمیت پر بات ہوئی  ۔

حجۃالاسلام شیخ علی نجفی دام عزہ نے رواداری کے اصولوں اور حقیقی اسلام محمدی کے اقدار کو پھیلانے کی ضرورت پر زور دیا اور ان مشترکہ  الہی اصولوں کے تحفظ کی ضرورت پر زور دیا جن پر انسانی فطرت کی بنیاد رکھی گئی ہے اور سب سے اہم بات یہ ہے کہ نسل انسانی اور اسکی ثقافت اور مذہبی شناخت کا تحفظ کیا جائےتاکہ معاشروں کو درپیش سلوکی و اخلاقی  انحرافات اور بے ضابطگیوں کو روکا جا سکے۔

انہوں نے مہمان وفد کی خدمت میں مرجع عالی قدر دام ظلہ الوارف  کی دعائیں نقل کی۔

دوسری جانب آنے والے مہمانوں نے مرجع عالی قدر دام ظلہ الوارف کی صحت و سلامتی اور جلد شفایابی  کے لئے دعا کرتے  ہوئے  حسنِ استقبال پر  شکریہ ادا کیا۔