مرجع عالی قدر دام ظلہ نے عراق اور دوسرے عرب اور اسلامی ممالک سے آئے ہوئے زائرین سے اپنے مرکزی دفتر نجف اشرف میں ملاقات کے دوران فرمایا کہ انسان محاسبہ نفس کو اہمیت دے کیونکہ اپنے نفس کا محاسبہ کرنا خطاؤں اور گناہوں سے بچنے، اپنی سمت کو ٹھیک کرنے، راہ ہدایت پر واپس آنے اور اللہ سبحانہ کا قرب حاصل کرنے کا ذریعہ ہے۔  
اسکے بعد آپ نے مزید فرمایا کہ آئمہ اہل بیت (ع) کے سامنے حاضری دینا اور انکے مراقد کی زیارت سے مشرف ہونا اس بات کو لازم بناتا ہے کہ انسان گناہوں کو چھوڑے اور اللہ سبحانہ وتعالیٰ کی رضا حاصل کرے تاکہ یہ زیارت انسان کے باطن میں مثبت تبدیلی کا ذریعہ بنے اور انسان کے روزانہ کے سلوک اور رویے میں بہتر سے بہتر تبدیلی آ سکے۔