حضرت امیر المؤمنین علی بن ابیطالب علیہما السلام کی خدمت میں حضرت فاطمہ زہراء علیہا السلام کی شہادت کا پرسہ و تعزیت پیش کرنے کی غرض سے مرکزی دفتر مرجع  عالی قدر (دام ظلہ) نجف اشرف سے حرم امیرالمؤمنین علیہ السلام تک جلوس فاطمیہ کا انعقاد ہوا  
مرجع مسلمین و جہان تشیع حضرت آیۃ اللہ العظمیٰ الحاج الشیخ بشیر حسین النجفی دام ظلہ الوارف نے حوزہ علمیہ کے علماء، افاضل، اساتذہ، طلاب علوم دینیہ، ماتمی انجمنوں اور نجف اشرف و دوسرے صوبوں کے قبائل و مؤمنین کے ہمراہ پاپیادہ اس جلوس غم میں شرکت فرمائی۔
جلوس غم مرکزی دفترسے برآمد ہوکر شارع الرسول (ص) سے گذرتا ہوا غمگین فضا میں مؤمنین اور جلوس غم کے مشارکین کے نوحہ و ماتم کی دلسوز صداؤں کے ساتھ حرم حضرت امیر المؤمنین علیہ السلام پر اختتام پذیر ہوا۔