مرجع عالی قدر دام ظلہ کے لبنا ن اور شام میں وکیل کی شام میں اجتماعی شادی کی تقریب میں مشارکت

مرجع عالی قدر دام ظلہ کے لبنا ن اور شام میں وکیل کی شام میں اجتماعی شادی کی تقریب میں مشارکت

19/5/2018




مرجع مسلمین و جہانِ تشیّع حضرت آیۃ اللہ العظمیٰ الحاج حافظ بشیر حسین النجفی  دام ظلہ الوارف کے لبنان اور شام میں وکیل  حجۃ الاسلام  علامہ  شیخ علی  بحسون دام عزہ   نے   حمص شام میں اجتماعی  شادی  کی تقریب میں  شرکت فرمائی    ۔
حمص میں اس اجتماعی  شادی کی  تقریب  کا اہتمام حمص میں مرجع عالی قدر دام ظلہ  کے وکیل  حجۃ الاسلام شیخ علی دریع دام عزہ  اور وہاں  کے مخیرین و مؤمنین  کی کوششوں سے کیا گیا جسمیں مؤمن نوجوانوں  کی  شادی   حمص کی بعض شہداء  کی بیواؤں  سے کرائی  گئی  تقریب کا آغاز تلاوت کلام ربانی  سے ہوا اسکے  بعد مرجع عالی قدر دام ظلہ  کے  حمص میں وکیل  حجۃ الاسلام شیخ علی دریع  دام عزہ نے   مؤمنین اور خصوصا  لبنان اور شام میں مرجع عالی قدر دام ظلہ  کے  وکیل   حجۃ الاسلام  علامہ  شیخ علی  بحسون دام عزہ    کا خصوصی  شکریہ  ادا کیا کہ جو تقریب میں شرکت کیلئے  بیروت لبنان سے تشریف لے گئے  تھے  ۔
موصوف  نے   مؤمنین سے خطاب کرتے ہوئے   مرجع عالی قدر دام ظلہ  کا خصوصی شکریہ ادا کیا اسلئے  کہ  انکے تعاون اور سرپرستی  میں یہ عظیم خدمت  کا عمل  وجود میں آیا 
 حجۃ الاسلام  علامہ  شیخ علی  بحسون دام عزہ    نے مجمع کو خطاب کرتے  ہوئے  مرجع عالی قدر دام ظلہ  کی  دعائیں اور نصیحتیں ان تک  پہنچاتے ہوئے   ان کی ثبات قدمی  اور  ہمت و عزیمت  کی  ستائش کی  کہ جسکا مظاہرہ  انہوں نے  ہر مشکل اوقات  میں کیا ہے ۔
مزید انہوں نے  تاکید فرمائی  کہ  ضروری  ہے کہ  ہم  اپنے حقیقی  اسلامی  عقائد  کو باقی  رکھیں خاص کر کہ  جو ہمارے  آخری  امام عج  سے متعلق ہیں   ساتھ  ساتھ  ہمیں اس بات پر بھی  مکمل اعتقاد رکھنا چاہئے  کہ  وہ عج  پردہ  غیب سے مکمل طور پر ہماری  سرپرستی  فرمارہے  ہیں ۔ 
موصوف  نے  بیان فرمایا  کہ  پوری  دنیا ہمیں اس عقیدے  ( عقیدہ  مہدویت  )  سے دور نہیں کر سکتی  اسلئے  کہ  ہم بخوبی  جانتے  ہیں  کہ  یہ عقیدہ  ہماری  نجات  اور ہدایت   کا وسیلہ  ہے  ۔


بھیجیں
پرنٹ لیں
محفوظ کریں