مرجع مسلمین وجہان تشیع حضرت آیۃ اللہ العظمیٰ الحاج حافظ بشیرحسین نجفی دام ظلہ الوارف نے مرکزی دفتر نجف اشرف میں زیارت کو آئےعراقی حج کونسل کے سربراہ حجۃ الاسلام  شیخ ڈاکٹر خالد عطیہ صاحب کا خیر مقدم کرتے ہوئے ان سے اپنی نصیحتوں میں فرمایا کہ حج اورعمرے کا حاجیوں کے نفوس میں روحی اور اجتماعی بہت اثر ہے لہذا حاجیوں کے خدمت میں کسی طرح کی کوئی کمی نہیں کی جائے ساتھ ساتھ ان کوششوں کو بھی سراہا  کہ  جو حاجیوں  کی خدمت میں کی جارہی ہیں۔

 مرجع عالی قدر دام ظلہ الوارف نے شرعی، فقھی پہلؤوں پر زوردیتے ہوئے اس مسئلے میں رسول اکرم(ص) اوراہلبیت اطہارعلیہم السلام کی سیرت پاک کو بیان کیا جسکی پابندی لازمی ہے۔ 

اپنی جانب سے عراقی حج کونسل کے سربراہ نے مرجع عالی قدر دام ظلہ الوارف کا انکی پدرانہ نصیحتوں اورضروری ارشادات پرعمل کرنے کی یقین دہانی کراتے ہوئے  قیمتی وقت دینے پر ان کا شکریہ ادا کرتے ہوئےانکی خدمت میں حج کونسل کی جانب سے حج بیت اللہ کے لئےکی جارہی تیاریاں اور منصوبے بھی انکی خدمت میں پیش کئے۔