مرجع مسلمین وجہان تشیع حضرت آیۃ اللہ العظمیٰ الحاج حافظ بشیرحسین نجفی دام ظلہ الوارف نے مرکزی دفتر نجف اشرف میں زیارت کو آئےجمہوری اسلامی ایران سے جامعۃ المصطفی العالمیہ کے خصوصی وفد کا خیرمقدم کرتے ہوئے ان سے اپنے خطاب میں پدرانہ نصیحتوں اور ضروری ارشادات کے بعد فرمایا کہ اہلبیت محمدعلیہم السلام کےبتائے ہوئے راستے اورانکی افکار کی روشنی  میں معاشرے کی اصلاح اور اسکی ترقی کی ذمہ داری علمائے کرا اور خطباء کے ذمے ہے۔ 

 مرجع عالی قدر دام ظلہ الوارف نےمزید فرمایا کہ حوزہ علمیہ نجف اشرف نے پوری دنیا کے حوزات علمیہ کو کئی عظیم فقہاء و محققین دیئے ہیں کہ جنہوں نے اپنی بے پناہ کاوشوں اورقربانیوں سےاہلبیت علیہم السلام کی میراث کو باقی رکھنے اور اسکی تحلیل و نشر میں عظیم قربانیاں پیش کی ہیں۔

مرجع عالی قدر دام ظلہ الوارف نے مزید بیان فرمایا کہ طلاب علوم دینیہ میں سے ہر فرد کے لئے لازمی ہے کہ وہ اپنے افعال واعمال اور اخلاق حسنہ کے ذریعہ معاشرے کے لئے  نمونہ عمل بنیں تاکہ ہر فرد لوگوں کو اہلبیت علیہم السلام کی طرف دعوت دینے والے حقیقی مبلغ بن سکے۔