مرجع مسلمین وجہان تشیع حضرت آیۃ اللہ العظمیٰ الحاج حافظ بشیرحسین نجفی دام ظلہ الوارف نے مرکزی دفتر نجف اشرف میں زیارت کو آئے مرکزی حکومت عراق میں مواصلاتی امور کے وزیر ڈاکٹر نعیم ثجیل یسر ربیعی سے اپنی نصیحتوں میں فرمایا کہ مواصلاتی نظام، ملکی اسرار اور اسکی عوام صرف اور صرف عراقی امین ہاتھوں میں ہونا چاہئے، انہوں نے مزید کہا کہ حکومتی عہدیدار اپنےعمل کوعراق اوراسکی عوام کی خدمت کرکے عبادت میں تبدیل کر سکتے ہیں۔

مرجع عالی قدر دام ظلہ الوارف نے مزید فرمایا کہ حکومتی عہدیداروں کی عزت  انکے مخلصانہ عمل اور ملک و عوام کی خدمت مین پنہاں ہے۔

اپنی جانب سے مہمان وزیر نےمرجع عالی قدر دام ظلہ الوارف کی خدمت میں اپنی وزارت کے منصوبے پیش کئے جس پر انہوں نےعمل میں اخلاص اورعراق کو کسی اور کا محتاج نہ رہنا پڑے اس پرکام کرنے کی نصیحت فرمائی۔

مہمان وزیر نےمرجع عالی قدردام ظلہ الوارف کاانکی  نصیحتوں اور قیمتی وقت دینے پر شکریہ ادا کیا۔