مرجع مسلمین وجہان تشیع حضرت آیۃ اللہ العظمیٰ الحاج حافظ بشیرحسین نجفی دام ظلہ الوارف نے مرکزی دفتر نجف اشرف میں زیارت کو آئے  حضرت آیۃ اللہ العظمیٰ سید روح اللہ خمینی قدس سرہ کے اہل خاندان جن میں انکے پوتے حجۃ الاسلام   سید حسن خمینی دام عزہ شامل تھے کا خیر مقدم کرتے ہوئے   ان سے اپنے خطاب میں حضرت امیر المؤمنین علیہ السلام کی مقدس ضریح کی برکت سےحوزہ علمیہ نجف اشرف کی موقعیت  اور اہمیت پر گفتگو فرماتے ہوئے بیان کیا کہ حوزہ علمیہ نجف اشرف پوری دنیا کے حوزات کی ماں کا درجہ رکھتی ہے اور مؤمنین کے دلوں میں اسکی خاص اہمیت اور مقام ہے۔ 

مرجع عالی قدر دام ظلہ الوارف نے مسلمانوں کو اصلاح اور صحیح راستے پر چلنے کی توفیق نصیب ہواسکے لئے بارگاہ ایزدی میں دعا فرمائی۔ 

 اپنی جانب سے مہمان وفد نے مرجع عالی قدر دام ظلہ الوارف کا  انکی نصیحتوں اور وقت دینے پر شکریہ ادا کیا۔