مرجع عالی قدر دام ظلہ نے حشد شعبی کے مجاہدین کا خیر مقدم کرتے ہوئے ان سے فرمایا کہ جو کچھ آپ نے دین اور وطن کےلیے پیش کیا ہےاسکا رتبہ بہت عظیم ہے دہشت گردی کے خاتمے کا مطلب ایک گمراہ اور گمراہ کن گروہ کا خاتمہ ہے جس نے سید المرسلین اور مخلوقات میں سب سے افضل ہستی حضرت محمد (ص) کی شریعت کو بدنام کیا ہوا تھا اس ضمن میں آپ کا جہاد رسول اعظم (ص) اور انکی شریعت کی مدد ہے،  اس جہاد سے مقامات مقدسہ، ملک، جان و مال اور ناموس کی حفاظت ہوئی ہے یہ سب اہل بیت  عصمت و طہارت (ع) کا فضل اور اس ماحول کا اثر ہے جس میں آپ لوگوں کی تربیت ہوئی ہے ۔
مجاہدین نے مرجعیت دینیہ نجف اشرف  کے پرچم تلےباقی رہنے اور ان سے رہنمائی حاصل کرتے رہنے کا عہد کرتے ہوئے اس عزم کا اظہار کیا کہ وہ ہمیشہ اس ملک، قوم اور مقدسات کے لیے ڈھال کا کردار ادا کرتے رہیں گے۔