مرجع عالی قدرآیت اللہ العظمیٰ شیخ بشیر حسین نجفی دام ظلہ نے اپنے مرکزی دفتر نجف اشرف میں  جمہوریہ اسلامیہ ایران کے کونسلر محترم جناب سید حمید مکارم شیرازی صاحب کا انکے وفد کے ساتھ خیر مقدم کیا  
آپ نے اس ملاقات میں مہمان وفد سے خطاب کرتے ہوئےفرمایا کہ مؤمنین پر اللہ کا خصوصی کرم ہے کہ اس نے نجف اشرف میں امیرالمؤمنین (ع) کے سائے تلے زندگی گزارنے کی توفیق عنایت فرمائی ، اسلئے ہرمؤمن کیلئے ضروری ہے کہ وہ اس پاک مٹی کی اہمیت کوسمجھے اورہروہ مقام اور موقعیت کہ جہاں وہ ہے مؤمنین کی خدمت میں مشغول رہے۔
مرجع عالی قدر دام ظلہ نے دونوں ملکوں کے درمیان سیاحت دینیہ کے شعبے میں مزید بہتری لانے پر زور دیتے ہوئے فرمایا کہ دونوں ملکوں کے زائرین جن مشکلات کا سامنا کرتے ہیں انہیں حل کرنے کی پوری کوشش کرنا چاہیئے  
 اپنی جانب سے جناب سید شیرازی صاحب نے کونسل خانے میں اپنے کام کےمتعلق  مرجع عالیقدر دام ظلہ کو باور کراتے ہوئے دونوں پڑوسی ملک کے آپسی تعلقات میں مزید بہتری کی اہمیت کو بیان کیا۔