پاکستان سے آئے ہوئے وفد کی مرجع عالی قدر دام ظلہ سے ملاقات

پاکستان سے آئے ہوئے وفد کی مرجع عالی قدر دام ظلہ سے ملاقات

24/2/2020




بلتستان سے آئے ہوئے وفد نے مرجع عالی قدر آیت اللہ العظمی الحافظ بشیر حسین نجفی دام ظلہ سے ان کے مرکزی دفتر نجف اشرف میں ملاقات کی. اس ملاقات کا مقصد مرجعیت عظمی کی زیارت اور ان کی نصیحتوں سے استفادہ کرنا تھا. اس ملاقات میں مرجع عالی قدر دام ظلہ نے دین پر عمل کرنے پر زور دیا. اور مزید اس بات پر تاکید کی کہ حجاب کی پاسداری کرنا کنیزان زہرا سلام اللہ علیھا پر لازم ہے. اور آخر پر مرجع عالی قدر دام ظلہ نے مومنین کو اس نکتہ کی طرف متوجہ فرمایا کہ پابندی خمس بہت ضروری ہے کیونکہ امام صادق علیہ السلام فرماتے تھے خمس تمہارے اوپر اس لیے واجب نہیں ہے کہ ہم تمہارے مال کے محتاج ہیں بلکہ خمس اس لیے واجب ہے کہ تمہارا مال پاک ہو جائے اور تمہارے بچے حلال زادے ہو جائیں. آخر پر آئے ہوئے وفد نے مرجع عالی قدر  آیت اللہ العظمی حافظ بشیر حسین نجفی دام ظلہ کا قیمتی وقت دینے پر شکریہ ادا کیا.