مرجع مسلمین وجہانِ تشیع حضرت آیت اللہ العظمیٰ الحاج حافظ بشیرحسین نجفی دام ظلہ الوارف کے فرزند  اور مرکزی دفتر کے مدیر حجۃالاسلام شیخ علی نجفی دام عزہ نے  عید الفطر کی مبارکباد پیش  کرنے  کی غرض سے آنے والے حضرات افاضل و علماء و اساتذہ حوزہ علمیہ ، نجف اشرف کے گورنر،امنی اداروں کے سربراہان، حکومتی عہدیداروں، قبیلوں کے سربراہان اور معاشرے کی مہم شخصیتوں اور مومنین کرام کا مرکزی دفتر نجف اشرف میں خیر مقدم فرمایا ۔

فرزند مرجعیت  نے مہمانوں کی خدمت  میں عید الفطر کی مبارکباد پیش کرتے  ہوئے امت مسلمہ کی بھلائی اور مومنین کرام کی حفاظت و سلامتی کے لئے  بارگاہ ایزدی  میں دعا فرمائی ۔

دوسری جانب آنے والے مہمانوں نے مرجع عالی قدر دام ظلہ الوارف کی صحت و سلامتی اور جلد شفایابی  کے لئے دعا کرتے  ہوئے  حسنِ استقبال پر  شکریہ ادا کیا۔