*  انسان جي زندگي هڪ اهڙو موقعو آهي جيڪو ٻيهر نه ايندو، تنهن ڪري ان کي خدا جي رضا حاصل ڪرڻ ۾ گذارڻ گهرجي.

*  اسان جي نوجوانن کي مختلف سطحن تي چئلينجز کي منهن ڏيڻو آهي، سندن مذهبي نظرياتي ۽ اخلاقي تشخص کي مسخ ڪرڻ جي سازش ٿي رهي آهي، ان سازش کي ناڪام بڻائڻ لاءِ نوجوانن کي گهرجي ته هو پاڻ کي حوزات علميه  سان وابسته ڪن.

مرجع مسلمين و جهان تشيع آيت الله العظمى حافظ بشير حسين نجفي (دام ظله الوارف) جي فرزند، انوار نجفيه فائونڊيشن جي سربراهه ۽ مرڪزي دفتر جي مدير حجة الاسلام شيخ علي نجفي (دام عزه) مرڪزي دفتر نجف اشرف ۾ بابل گورنريٽ کان علامه حلي (قده) اسڪول جي استادن ۽ شاگردن جي وفد کي ڀليڪار ڪندي پنهنجي خطاب ۾ فرمايو ته اسان جا نوجوان مختلف سطحن تي چئلينجن کي منهن ڏيڻو آهي سندن مذهبي نظرياتي ۽ اخلاقي تشخص کي مسخ ڪرڻ جي سازش ٿي رهي آهي.

اسان جو دشمن هڪ اهڙو ماڻهو چاهي ٿو جيڪو پنهنجي سماج کان لاتعلق هجي ۽ جيڪو دشمن سماج سان جڙيل هجي ۽ مختلف سماجن جو ميلاپ هجي، هن نوجوانن کي وڌيڪ خبردار ڪندي فرمايو ته اهڙا ڪيترائي ماڻهو آهن جيڪي مختلف ميڊيا ۽ مختلف پليٽ فارمن ذريعي شڪوڪ و شبهات کي ڦهلائڻ جي ڪوشش ڪري رهيا آهن ۽ انهن جو مقصد نوجوانن جي عقيدن کي غير مستحڪم ڪرڻ ۽ ذهني مونجهارو پيدا ڪرڻ آهي. ان سازش کي ناڪام بڻائڻ لاءِ نوجوانن کي گهرجي ته مسلسل حوزات علميه  سان رابطي ۾ رهن

پاڻ ان ڳالهه تي به زور ڏنو ته انسان جي زندگي هڪ اهڙو موقعو آهي جيڪو ٻيهر نه ايندو، ان ڪري ضروري آهي ته هن زندگي کي خدا جي رضا حاصل ڪرڻ ۾ گذاريو

 انسان کي غير ضروري ڪمن ۽ لهو و لعب  ۾ ڦاسائي ان موقعي کان محروم ڪرڻ ۽ بيوقوف انسان بنائڻ ۽ سماجي رابطن ۽ علم ۽ عبادت کان پري رکڻ ۽ بيڪار بڻائڻ  جون ڪيتريون ئي ڪوششون جاري آهن.

ٻئي طرف آيل مهمانن مرجع عالي قدر (دام ظلہ الوارف )جي صحت ۽ سلامي ۽ جلد صحتيابي لاءِ دعا ڪندي حسن استقبال تي شڪريو ادا ڪيو.