مرجعِ مسلمين و جهانِ تشيع، حضرت آيت الله العظمى الحاج حافظ بشير حسين نجفي (دام ظله الوارف)، مرڪزي دفتر نجف اشرف ۾ برصغير سان واسطو رکندڙ ننڍڙن ٻارن جي قرآن مجيد جي تعليم ۽ قرآني تربيت لاءِ خدمت انجام ڏيندڙ مدرسه علوم اسلامي قرآن سينٽر جي استادن ۽ شاگردن جي آجيان فرمائي.

مرجع عالي قدر (دام ظله الوارف) ٻارن کي والدين جي احترام بابت نصيحت ڪندي فرمايو:

قرآن مجيد سان دوستي ڪري ڇڏيو، ان کي پنهنجي اندر وسائي ڇڏيو ۽ قرآني ماحول ۾ جيئرو رهو.

سندن وڌيڪ ارشاد هو ته قرآني تعليم سان وابستا ٻار مخارجِ حروف تي خاص ڌيان ڏين ۽ هميشه قرآن جي صحيح تلاوت جي اهميت نظر ۾ رکن. واضح رهي ته جيڪي ماڻهو قرآن جي تلاوت ۾ مخارجِ حروف جو خيال نٿا رکن، انهن جي تلاوت صحيح ناهي، ۽ انهن لاءِ اها تلاوت خير بجاءِ عذاب جو سبب بڻجي سگهي ٿي. ان ڪري، انهيءَ معاملي تي سنجيدگي سان ڌيان ڏنو وڃي. مرجع عالي قدر (دام ظله) استادن کي پڻ تلقين فرمائي ته اهي پنهنجن شاگردن کي صحيح تلاوت جي طرف متوجہ ڪن ۽ کين تجويد جي درست اصولن مطابق قرآن پڙهڻ سيکارين.

مرجع عالي قدر (دام ظله الوارف) وڌيڪ فرمايو:

پنهنجي پاڻ کي والدين جو تابعدار بڻايو، هميشه سندن احترام جو خيال رکو. جتي توهان پنهنجي والدين جي عزت ڪندا، اتي الله توهان جي عزت ۾ اضافو فرمائيندو. خاص طور تي، پنهنجي والده جي دل ۾ جاءِ ٺاهيو ته جيئن هوءَ توهان لاءِ دعائون ڪندي رهي، ڇو ته ماءُ جي دعا اولاد جي حق ۾ مستجاب آهي.