مرجع مسلمین وجہانِ تشیع حضرت آیت اللہ العظمیٰ الحاج حافظ بشیر حسین نجفی دام ظلہ الوارف نے  مرکزی دفتر نجف اشرف عراق میں  بغداد میں اسلامی جمہوریہ پاکستان کے سفیر محترم محمد ذیشان احمدصاحب کا ان کے  وفد کےہمراہ خیر مقدم فرمایا ۔
واضح رہے کہ موصوف سفیر بغداد میں اپنی خدمت کے آغاز پر مرجع عالی قدر دام ظلہ الوارف کی خدمت  میں حاضر ہوئے تھے ۔
مرجع عالی قدر دام ظلہ الوارف نے مہمان سفیر پر واضح کیا کہ  دونوں ممالک کے درمیان مختلف شعبوں میں استحکام اور بہتری دونوں اسلامی مملکتوں کی عوام کے حق میں ہے ۔
دوسری  جانب  موصوف سفیر نے اپنی جانب سے بھرپور تعاون اور کوششوں کی یقین دہانی کراتے ہوئےحسنِ استقبال  پر ان کا شکریہ  ادا کیا۔