Bəsrə şəhərinin Mədinə qəzasında Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) nümayəndəsi yay tətili müddətində məktəb şagirdlərinin geniş bir qismini hədəfləyən “Hüda fəaliyyəti” proqramı çərçivəsində fiqh, əxlaq və əqidə dərslərinin keçirilməsini davam etdirir.

Seyid Məuhəmməd Cabiri bildirib:

“Dini-pedaqoji proqramımız çərçivəsində fiqh, əxlaq və İslam əqidələri üzrə bir çox kursların təşkilini davam etdiririk. Bu kurslar Əhli-beyt (ə.s) elmlərinin yayılmasına xidmət edən xüsusi tədris proqramları əsasında hazırlanıb və şagirdlərimizin suallarına cavab verəcək məsələləri açıqlamaq məqsədi daşıyır. Biz yay tətilini bu dərsləri təşkil etmək üçün münasib fürsət olaraq dəyərləndirdik".

O, əlavə edib ki, elm və bilik qazanmağın əhəmiyyəti heç kimə gizli deyil. İslam insanı müxtəlif sahələrdə, xüsusilə də ümmətə fayda verən və şəriət hökmlərinə dair elmlərdə öyrənməyə təşviq edib və bu istiqamətdə dəstəyini əsirgəməyib.

Seyid Cabiri vurğulayıb ki, fiqh və əxlaq elmlərini öyrənmək mühüm və zəruri bir işdir. Çünki bu elmlərin böyük fəziləti vardır: insanı yüksək məqamlara ucaldır, onu azğınlıqdan qoruyur və Allah-taalaya, eləcə də Onun Əhli-beytinə (ə.s) yaxınlaşdırır.