Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) təmsilçisi və Nəcəful-Əşrəfdəki mərkəzi ofisini müdiri, Şeyx Əli Nəcəfi, İraq tayfalarının şeyxləri və nüfuzlu şəxslərindən ibarət bir heyəti qəbul etdi.

Görüş zamanı İraq tayfalarının nəsillərin qəlbində İslam və köklü ərəb kimliyinin möhkəmləndirilməsində oynadığı mühüm rola diqqət çəkildi. Qeyd olundu ki, tayfalar tarix boyu prinsiplərin və əxlaqi dəyərlərin qorunmasında mühüm sosial və dəyər əsaslı dayaq rolunu oynamışdır.

Həmçinin söhbət zamanı Əhli-beytin (ə.s) uca məqamı və böyük fəzilətləri, Allah-taalanın onları digər insanlardan üstün etdiyi ali mövqe müzakirə olundu. Onların doğru yoluna möhkəm sarılmağın, izləri ilə addımlamağın və mübarək həyat tərzlərini örnək götürməyin dünya və axirətdə nicat yolu və həqiqi səadətə çatmağın əsas vasitəsi olduğu vurğulandı.

Şeyx Əli Nəcəfi dini və ictimai dəyərlərin qorunması, cəmiyyət qarşısında məsuliyyət ruhunun gücləndirilməsi, eləcə də ölkənin birliyi və sabitliyinə xidmət etmək məqsədilə dini mərcəiyyət ilə İraq tayfaları arasında səylərin birləşdirilməsinin vacibliyini xüsusi olaraq qeyd etdi.