Əbəlfəzl Abbasın (ə.s) müqəddəs hərəminin əməkdaşlarından ibarət bir heyət Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) ofisini ziyarət edib. Qonaqları Seyid Muhəmməd Tahir Cəzairi qarşılayaraq, ziyarətçi heyətə xoş gəldin deyib və onların müqəddəs ziyarətgahlar və zəvvarlara göstərdikləri mübarək xidmətləri yüksək qiymətləndirib.

Görüş zamanı Seyid Muhəmməd Tahir Cəzairi çıxış edərək Əbəlfəzl Abbasın (ə.s) müqəddəs hərəminin əməkdaşlarının zəvvarlara göstərdiyi dəyərli xidmətləri təqdir edib. O vurğulayıb ki, zəvvarlara xidmət risalət xarakterli bir yol və ali insani dəyərdir; bu xidmət işdə ixlası və fədakarlığı əks etdirir, eyni zamanda fədakarlıq və əta üzərində qurulan dini xidmət anlayışını gücləndirir.

Seyid, həmçinin Sahibuz-zaman imam Məhdinin (ə.f) böyük qeyb dövründə mömin insanın məsuliyyətinə toxunaraq bildirib ki, fərəcin intizarı yalnız dua Ilə məhdudlaşmır; bu intizar əxlaqi öhdəlik, saleh əməl, cəmiyyətə xidmət və Əhli-beytin (ə.s) təlimlərinə sadiqliklə təcəssüm etməlidir.

Bu ziyarət dini əlaqələrin möhkəmləndirilməsi və dini qurumlar arasında əməkdaşlığın gücləndirilməsi çərçivəsində həyata keçirilib. Məqsəd Hüseyni xidmət yolunun dəstəklənməsi və cəmiyyətdə iman dəyərlərinin möhkəmləndirilməsidir.