Neynəva – Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Neynəva şəhərindəki ofisinin nümayəndəsi, mübarək Şəban ayının mövludları münasibətilə təşkil olunmuş böyük dini tədbirdə iştirak etmişdir. Tədbir Əbəlfəzl Abbasın (ə.s) müqəddəs hərəminin himayəsi ilə keçirilib və iman dolu, sevinc və fərəh ab-havası ilə yadda qalıb.

Ofisin nümayəndəsi Seyid Mahmud Ərəci bu xoş münasibətlə çıxış edərək bildirib: “Belə mübarək günlərin qeyd olunması dini şüurun gücləndirilməsi, Əhli-beytə (ə.s) sədaqət prinsiplərinin möhkəmləndirilməsi baxımından mühüm əhəmiyyət daşıyır. Onların pak və şərəfli həyatı islah, fədakarlıq, səbir və İslamın müdafiəsində ixlas məktəbi kimi bizə nümunədir".

Seyid Ərəci qeyd edib ki, bu ali dəyərlərin cəmiyyətin qurulmasında tətbiqi, insanlar arasında birlik və həmrəyliyin möhkəmlənməsinə, sevgi və qardaşlıq bağlarının güclənməsinə səbəb olur. O vurğulayıb ki, Əhli-beytin (ə.s) həyat yolu İslam kimliyinə bağlılığın güclənməsində və ilahi risalətin yayılmasında böyük rol oynayıb və bu təsir mübarək zühura qədər davam edəcək.

Sonda Seyid Ərəci bu xoş və mübarək günün daşıdığı ali mənalara diqqət çəkərək bildirib ki, bu kimi münasibətlər Əhli-beytə (ə.s) bağlılığın yenilənməsi və onların doğru yoluna həyatın bütün sahələrində sarılmaq üçün mənəvi fürsətdir.