Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bəsrə şəhərindəki nümayəndəsi, Deyr bölgəsində olan mömin bacıların geniş iştirakı ilə Həzrət Xədicəyi-Kübranın (ə.s) həyatı və həyat yolu barədə dini mühazirə təşkil etmişdir.

Şeyx Müsənna Rubeyi mühazirə zamanı belə demişdir: “Bu gün cəmiyyətin Həzrət Xədicənin (ə.s) həyatından dərs və ibrət götürməyə ciddi ehtiyacı var. O, dərin iman sahibi, şüurlu bir mömin qadın nümunəsi idi və İslam risaləsinə səmimi dəstək verən şəxsiyyət kimi seçilirdi. Bu mübarək həyat yolu cəmiyyət qadınları üçün dini və əxlaqi dəyərlərin möhkəmləndirilməsində bir örnəkdir”.

O əlavə etmişdir ki, Möminlərin anası Həzrət Xədicəyi-Kübranın (ə.s) vəfatının anılması İslamın ilk dövrlərində bu dini dəstəkləyən ən böyük şəxsiyyətlərdən birinin yad edilməsidir. O, Muhəmməd peyğəmbərin (s) risaləsinə yardım yolunda bütün varını fəda etmiş, saleh həyat yoldaşı, gözəl örnək və Peyğəmbər risaləsinin sadiq dayağı olmuşdur.

Şeyx Rubeyi qeyd etmişdir ki, mühazirə iştirakçılar tərəfindən böyük maraqla qarşılanmışdır. O vurğulamışdır ki, bu cür tədbirlərdə əsas məqsəd cəmiyyətdə, xüsusilə də mömin qadınlar arasında iman və əxlaq dəyərlərini gücləndirməkdir. Çünki onlar sağlam ailə və düzgün cəmiyyətin qurulmasında əsas sütun hesab olunurlar.