Müqəddəs Kərbəla şəhərində Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) ofisinin nümayəndəsi bu mübarək ay üçün hazırlanmış ərzaq səbətlərini Tuveyric məntəqəsində yerləşən imam Musa ibn Cəfər (ə.s) məscidində paylamışdır.

Hörmətli Qasim Cabir Musəvi qeyd etmişdir: “Biz Allah-taalanın lütfü və Muhəmməd və Ali-Muhəmmədin (ə.s) bərəkəti ilə bu xidməti davam etdiririk. Məqsədimiz mümkün qədər çox ehtiyaclı, iffətli ailələrə və yetimlərə çatmaqdır. Bu iş bizim insani və dini məsuliyyətimizdən irəli gəlir. Ümid edirik ki, hər kəs bu xeyriyyə təşəbbüslərini dəstəkləyəcək. İnşallah bu işlər cəmiyyət üçün xeyir və bərəkət gətirər”.

O həmçinin qeyd etmişdir ki, kampaniya çərçivəsində hər gün tam ərzaq səbətləri paylanmışdır. Bu səbətlərdə əsas qida məhsulları ilə yanaşı toyuq və yumurta da olmuşdur. Bundan əlavə təxminən 15 ailə üçün iftar yeməkləri hazırlanıb paylanmışdır. Bu yeməklərə balıq və qızardılmış toyuq daxil olmuşdur. Bütün bunlar cəmiyyətdə sosial həmrəylik ruhunu göstərmiş və yardımlaşma ilə mərhəmət dəyərlərini gücləndirmişdir.

Musəvi bildirib ki, bu xeyriyyə təşəbbüsü davam edəcək və cəmiyyətdə ən çox ehtiyacı olan yetimlərə və ehtiyaclı ailələrə dəstək olmağı hədəfləyir.