Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bəsrə şəhərindəki nümayəndəsi “Yeddi sünbül” xeyriyyə layihəsinin tədbirlərində iştirak etmişdir. Tədbir çərçivəsində mübarək Qurani-Kərim seminarı keçirilmiş və xeyriyyə tibbi layihəsinin açılışı baş tutmuşdur. Bu fəaliyyətlər imam Əlinin (ə.s) müqəddəs hərəmilə əməkdaşlıq əsasında və elmi hövzəsinin bir sıra fəzilət sahibi alimlərinin iştirakı ilə həyata keçirilmişdir.

Seyid Muhəmməd Cabiri vurğulayıb ki, bu təşəbbüslər Qurani-Kərim müəllimlərinin elmi və tədris səviyyəsinin yüksəldilməsi istiqamətində mühüm addımdır. O bildirib ki, Qurani seminarlar Qurani-Kərim mədəniyyətinin yayılmasına, gənclərin Allahın kitabına və Əhli-beytin (ə.s) yoluna bağlılığının gücləndirilməsinə kömək edir. Bundan əlavə, bu seminarlar Qurani tədris bacarıqlarının inkişafına və dini anlayışların çatdırılmasında müasir üsulların tətbiqinə şərait yaradır.

Öz növbəsində Şeyx Müsənna Rubeyi açıqlayıb ki, xeyriyyə tibbi layihəsinin açılması Bəsrə vilayətində daha çox ehtiyac sahibi olan təbəqələr üçün tibbi xidmətlərin təmin edilməsinə olan təcili ehtiyaca cavab olaraq həyata keçirilmişdir. O qeyd edib ki, bu layihə Nəcəful-Əşrəfdəki dini mərcəiyyətin dəstəyi və yönləndirməsi ilə gerçəkləşdirilmişdir. Həmçinin vurğulayıb ki, layihə asanlaşdırılmış tibbi xidmətlərin göstərilməsi və gələcəkdə daha da inkişaf etdirilməsi istiqamətində mühüm humanitar addımdır.

Seyid Rubeyi insanları “Yeddi sünbül” layihələri ilə qarşılıqlı əməkdaşlığa və onlarda iştirak etməyə çağırmışdır. O, bildirib ki, bu layihələr böyük elmi və humanitar faydalar daşıyır, cəmiyyətə xidmət edir və ictimai həmrəylik dəyərlərinin güclənməsinə töhfə verir.