Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) nümayəndəsi və Nəcəful-Əşrəfdəki Mərkəzi Ofisinin rəhbəri Şeyx Əli Nəcəfi Bəsrə şəhərində mübarək Ərbəin yürüşündə iştirakı çərçivəsində yaxın günlərdə hücuma məruz qalmış iraqlı balıqçıların ailələrini ziyarət edib.

Şeyx Əli Nəcəfi bu hücuma qarşı kəskin etirazını bildirərək vurğulayıb ki, insanın təhlükəsizliyi və həyatı bütün sistemlərin və qurumların qarşısında dayanmalı olduğu qırmızı xətdir. O, eyni zamanda, sadə insanların dolanışıq vasitələrinin və sərvətlərinin qorunmasının, onların xarici siyasi hesablaşmalardan və siyasi çəkişmələrdən uzaq tutulmasının zəruriliyini xüsusi qeyd edib.

Həmçinin Şeyx Əli Nəcəfi şəhidin ailəsinə ən səmimi başsağlığı diləklərini çatdıraraq Uca Allahdan onun yaxınlarına səbir və təmkin bəxş etməsini diləyib.