مرجع عالیقدر دام ظلہ الوارف کی خدمت میں حجۃ الاسلام مولانا سید صادق الحسینی صاحب ( ماہر امور شعبہ اہل سنت دفترحضرت آیۃ اللہ العظمیٰ سید علی خامنئی دام ظلہ الوارف) نیو دلھی ہندوستان

مرجع عالیقدر دام ظلہ الوارف کی خدمت میں حجۃ الاسلام مولانا سید صادق الحسینی صاحب ( ماہر امور شعبہ اہل سنت دفترحضرت آیۃ اللہ العظمیٰ سید علی خامنئی دام ظلہ الوارف) نیو دلھی ہندوستان

9/10/2021




حضرت آیۃ اللہ العظمیٰ الحاج حافظ بشیر حسین  نجفی دام ظلہ الوارف  نے مرکزی  دفتر نجف اشرف  میں حضرت آیۃ اللہ العظمیٰ سید علی خامنئی دام ظلہ الوارف  کے  نئی دہلی  ہندوستان کے دفتر  میں  امور شعبہ  اہل سنت  میں  خدمت  دین میں  مصروف  حجۃ الاسلام مولانا سید صادق الحسینی صاحب کا خیر مقدم کیا  مرجع عالیقدر دام ظلہ الوارف  نے انکی عتبات عالیات  ومقامات مقدسہ  کی  زیارتیں  مقبول  بارگاہ ایزدی  ہوں اسکے لئےدعائیں فرمائیں۔
حجۃ الاسلام  مولانا  سید صادق الحسینی صاحب  نے مرجع عالیقدر دام ظلہ الوارف  کی  خدمت  میں  انکے  شعبے  کی جانب سے  کی جارہی  مذہب حقہ کی خدمات کو تفصیلی  طور  پر پیش کیا  مرجع عالی قدر دام ظلہ الوارف  نے  مذہب حقہ  کی تبلیغ کو  خاص  کر اغیار  کے درمیان  جہاد سے تعبیر  کیا  اور ان سے  مخاطب ہوتے  ہوئے  فرمایا  کہ  آپ  سید ہیں  یہ آپ کے  اجداد  کا دین  ہے اس خدمت  میں آپ کےاجداد  آپ کی شفاعت سے مدد کرینگےاگر ایک بھی شخص آپکی وجہ  سے  راہ راست  پر آگیا تو  یہ بہت بڑی  توفیق الہی ہوگی اور آپ  کے  لئے  دنیا و آخرت  میں شرف  کی  بات ہوگی۔  
مرجع عالی قدر دام ظلہ  الوارف  نے  دفتر  کی جانب سے  ہر ممکنہ  تعاون  کا بھروسہ  دیتے ہوئے  اس عمل  خیر  میں   انکی  کامیابی  کے لئے  دعائیں  فرمائیں۔
 موصوف  نے  مرجع عالی قدر  دام ظلہ  الوارف  کا انکی  نصیحتوں   اور قیمتی وقت دینے  پر شکریہ  ادا کیا۔