مرجع مسلمین وجہانِ تشیع حضرت آیۃ اللہ العظمیٰ الحاج حافظ بشیر حسین نجفی دام ظلہ الوارف  نے مرکزی دفتر  نجف اشرف  میں عید الفطر کی مبارکباد  پیش کرنےکے لئے آنے  والے مختلف رسمی و غیررسمی وفود کا استقبال کیا، اسی ضمن میں نجف اشرف گورنریٹ کے پولیس چیف اور سرحدی محافظوں کے کمانڈر کے علاوہ مقدس شہر نجف اشرف  میں سیکورٹی یونٹس کے باقی عہدیداران اور ان کے ہمراہ آنے والے وفد سے ملاقات کی کہ  جو عید الفطر کے موقع پر مبارکباد پیش کرنے کے لئے  محضر مرجعیت  میں حاضر ہوئے  تھے ۔
مرجع عالیقدر دام ظلہ الوارف  نے  انہیں عید کی مبارکباد پیش کرتے  ہوئے  ان سے اپنے خطاب میں فرمایا کہ   نجف اشرف پوری تشیع کا مرکز ہے  اور پوری  دنیا کی نظریں ہمیشہ  اسکی طرف مرکوز رہتی ہیں آپ کی ذمہ داریاں بھی بڑی ہیں  اس کا امن و استقرار یہاں کی عوام  اور زائرین کے جان و مال کی حفاظت آپ کی  ذمہ داری ہے   امید کرتے  ہیں کہ آپ اپنی ان ذمہ  داریوں کو بہتر سے بہتر طریقے سے نبھائیں گے  ۔