مرجع مسلمین وجہانِ تشیع حضرت آیت اللہ العظمیٰ الحاج حافظ بشیرحسین نجفی دام ظلہ الوارف نے مرکزی دفتر  نجف اشرف میں زیارت کو آئے  افغانستان سے شیعہ علماء کی شوری  کے خصوصی وفد کا خیر مقدم کرتے  ہوئے  ان سے اپنی پدرانہ نصیحتوں اور ضروری ارشادات  میں ریاست افغانستان میں مسلمانوں کے درمیان پُرامن بقائے باہمی کی اہمیت پر زور دیا، خون اور جانوں کے تحفظ اور مسلمانوں کے درمیان خونریزی کو روکنے  کے لئے ہر ممکنہ کوششوں پر تاکید فرمائی۔
دوسری جانب آئے  ہوئے  مہمان وفد  نے افغانستان کی عمومی طور پر اور خصوصی طور پر مومنین کی حالیہ    صورتحال اور اپنی شوری کی کارکردگیاں پیش کی   جس پر مرجع عالیقدر دام ظلہ الوارف نے مزید توفیقات کے لئے بارگاہ ایزدی  میں دعا فرمائی  مہمان وفد نے قیمتی وقت دینے  پر شکریہ  ادا کیا اور مرجعیت  کی زیارت  کو اپنے لئے عظیم شرف قرار دیا ۔