بسم اللہ الرحمن الرحیم

الحمد للہ الذی لا یُحمدہ علی مکروہ سواہ والصلاۃ والسلام علی خیر البریة الرسول ‏الاعظم محمد بن عبد اللہ و آله النجباء واللعنة علی اعدائھم اجمعین

قال اللہ سبحانه: إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ أُولَئِكَ عَلَيْهِمْ صَلَوَاتٌ ‏مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ

صدق الله العلي العظيم

نہایت افسوس و احساسِ غم و حزن کے عالم میں  جلیل القدر عالم دین حضرت حجۃ الاسلام والمسلمین علامہ سید محمد باقر موسوی ‏کشمیری(قدہ) کی رحلت کی خبر موصول ہوئی موصوف کی عظمت اور ان کی خدمات روز روشن کی طرح کشمیر کے مومنین ‏کرام پر واضح ہیں۔قوم و ملت کے لئے فکر مند شخصیت کا اٹھ جانا خاص کرہندوستان اور بالاخص کشمیر  کے مومنین کے لئے بڑا ‏خسارہ ہے خدا سے  یہی  دعا ہے  کہ  انکی خدمات  قبول  کرے اور بروز قیامت  انہیں ان کے اجداد حضرت رسول خدا صلی اللہ علیہ و ‏آلہ وسلم ،حضرت امیر المومنین علی بن ابیطالب علیھما السلام،  وحضرت زہراء سلام اللہ علیہا اور حضرت امام حسین علیہ السلام ‏کی خصوصی شفاعت نصیب ہو۔

ہم اس عظیم جلیل القدر عالم کی وفات کی تعزیت امام زمانہ عج  اوران کے پسماندگان کے ساتھ ساتھ تمام شیعوں اور خاص کر ‏کشمیر کے مومنین کی خدمت میں پیش کرتے  ہیں ۔

والسلام

نجف اشرف  ‏

‏۲۰ شوال المکرم ۱۴۴۶‏