Ayətullah əl Üzma Şeyx Bəşir Hüseyn Nəcnəfinin (kölgəsi davamlı olsun) Bağdad şəhərindəki nümayəndəsi, ictimai fəaliyyətləri çərçivəsində, bir sıra İraq tayfalarının şeyxləri, ağsaqqalları və üzvləri ilə görüşlər keçirmişdir.

Şeyx Kərim Saidi bildirib ki, bu görüşlərin məqsədi, Nəcəful-Əşrəfdəki ağıllı və müdrik dini rəhbərliyin fikirlərini xalqa çatdırmaqla yanaşı, ölkədə dinc birgəyaşayışın yayılmasına xidmət etməkdir. Ziyarət, həmçinin tayfalarımızın vəziyyəti və ehtiyacları ilə yaxından tanış olmaq məqsədi daşıyır.

O vurğulayıb ki, bu cür ziyarətlər bizim təbliğat proqramımızda mühüm yer tutur. Məqsədimiz cəmiyyət daxilində, xüsusilə Bağdadın şimalında yerləşən qəbilə və tayfalar arasında birlik və həmrəyliyi gücləndirmək, tayfalar arasında ixtilafları aradan qaldırmaq və sevgi, qardaşlıq ruhunu yaymaqdır.

Şeyx Saidi əlavə edib ki, sosial əlaqələrin davam etdirilməsi dinc birgəyaşayışın inkişafında mühüm rol oynayır və bu, cəmiyyəti məzhəbçilik kimi təhlükəli təmayüllərdən qorumağa kömək edir, nəticədə isə ümumi rifah naminə xidmət edir.