Ayətullah əl Üzma Şeyx Bəşir Hüseyn Nəcəfi (kölgəsi davamlı olsun) Nəcəful-Əşrəfdəki mərkəzi ofisində Bağdaddakı Hindistan səfirliyinin rəsmi nümayəndə heyətini qəbul edib.

Görüş zamanı Şeyx Nəcəfi iki ölkə — İraq və Hindistan — arasında ikitərəfli əlaqələrin müxtəlif sahələrdə möhkəmləndirilməsinin vacibliyini vurğulayaraq, bu əməkdaşlığın hər iki xalqın rifahı naminə önəm daşıdığını bildirib. O, eyni zamanda, Nəcəful-Əşrəfdə dini təhsil alan tələbələrə xüsusi diqqət göstərilməsinin və onların elmi-dini yoluna davam edə bilmələri üçün lazımi şəraitin və asanlıqların yaradılmasının vacibliyini qeyd edib.

Öz növbəsində, Hindistan səfirliyinin nümayəndə heyəti tələbələrin və Hindistan icmasının İraqdakı işlərinin qayğısına qalmaq üçün səfirliyin maksimum səylə çalışdığını bildirib. Onlar, xüsusilə də, dini elmlər tələbələri və ziyarətə gələn hindistanlı vətəndaşlara göstərilən dəstəyi vurğulayıblar.

Görüşün sonunda nümayəndə heyəti Nəcəf mərcəiyyətinin tələbələrə və zəvvarlara göstərdiyi xidmətlərə görə dərin təşəkkür və minnətdarlıqlarını bildiriblər.

Qeyd edək ki, nümayəndə heyətinə aşağıdakı şəxslər daxil idi:

Konsulluq və icma məsələləri üzrə ikinci katib cənab A.K. Nəğəm,

Konsulluq və icma məsələləri üzrə ikinci katib cənab M. Nand Kumar,

Siyasi və ticarət məsələləri üzrə ikinci katib cənab Tuşar Kant Yonyal.