Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) ofisinin Bağdad şəhərindəki nümayəndəsi, Cəmilə məhəlləsində yerləşən Ənsar hüseyniyyəsində Muhərrəm ayının ikinci on günlüyü münasibətilə əzadarlıq mərasimləri təşkil etdi.

İmam Hüseyn (ə.s) əzadarlığı məclisləri zamanı hörmətli doktor Seyid Əhməd Yasiri bir çıxış edərək bildirdi ki, imam Hüseynin (ə.s) Kərbəla torpağında şəhid olması hamımız üçün onun qiyamından ilham almağı zəruri edir. Bu ilham iman dəyərləri və bəşəri düşüncənin inkişaf prinsipləri əsasında olmalı, qardaşlıq, ədalət və zülmə, istibdada və qara terrora qarşı durmaq kimi ali məqsədlərlə mədəni bir cəmiyyət qurmağa yönəlməlidir. Biz bunu imam Hüseynin (ə.s) mövqeyindən, davranışından və pak Muhəmmədi (s) cihad nümunələrindən götürməliyik. O, zülmü rədd edərək haqqı müdafiə etmişdir.

O, həmçinin vurğuladı ki, imam Hüseynin (ə.s) şəxsiyyətini diqqətlə və dərin düşüncə ilə öyrənmək lazımdır — istər onun qiyamı, istərsə də Muhərrəm ayının onuncu günü şəhid olması baxımından. O fədakarlıqları tanımalıyıq ki, ədalət dəyərlərini ucaldıb. O əlavə etdi: “Əgər biz imam Hüseynin (ə.s) cəbhəsində olmaq istəyiriksə, onun qiyamının dəyərləri, ədəbi və əxlaqı ilə bəzənməliyik. O, hər iki dünyanın səadətinə çatmaq üçün ən gözəl nümunədir, inşallah".

Eyni zamanda, doktor Yasiri imam Zamana (ə.f), mərcəi-təqlidlərə və İslam ümmətinə, xüsusilə Əhli-beyt (ə.s) davamçılarına, imam Hüseynin (ə.s) Aşura şəhadətinin və qanın qılınc üzərindəki zəfərinin ildönümü münasibətilə dərin hüzn və başsağlığı çatdırdı.