Diyalə şəhərində hörmətli Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) ofisinin nümayəndəsi şeyx Haşim Salman Şümməri Xalis məscidində bir qrup möminin iştirakı ilə mübarək Qurani-kərim ab-havasında Quran kursu təşkil edib.

Şeyx Şümməri verdiyi açıqlamada bildirib: “Allah-taalanın lütfü və köməyi ilə tərbiyəvi və maarifləndirici Quran kursuna başladıq. İnşallah bu kurs cari Ilin Cəmadiul-axirə, Rəcəb və Şəban aylarını əhatə etməklə üç ay davam edəcək və həftədə üç gün keçiriləcək".

O əlavə edib ki, kurs çərçivəsində Qurani-kərimin mənalarının dərk olunmasına yönəlmiş müxtəlif dərslər, düzgün tilavətin öyrədilməsi, zikr hikmətindən seçilmiş ayələrin əzbərlədilməsi nəzərdə tutulub. Eyni zamanda, bu mübarək aylarda iştirakçıların tərbiyəvi və mənəvi tərəflərinə xüsusi diqqət yetirilir.

Şeyx Şümməri bu cür Quran kurslarına olan real ehtiyacı vurğulayaraq qeyd edib ki, bu fəaliyyətlər cəmiyyət üçün mühüm elmi və dini proqramlardan sayılır və insanların Qurani-kərimlə bağlılığının güclənməsində, onun mədəniyyətinin yayılmasında böyük rol oynayır.