Şəban ayının 15-ci gecəsinin – bəşəriyyətin xilaskarı imam Məhdinin (ə.f) mövludu münasibətilə – sevinc və fərəh içində Nəcəful-Əşrəfdə, Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) mərkəzi ofisində İraq və Pakistanlı bir qrup dini elm tələbəsinin əmmamə bağlama mərasimi keçirilib.

Mərasim zamanı Ayətullah əl Üzma Şeyx Bəşir Hüseyn Nəcəfi (kölgəsi davamlı olsun) tələbələrə mühüm tövsiyələr verib. O vurğulayıb ki, elm tələb etmək hövzə tələbəsinin birinci və əsas qayəsi olmalıdır və bu yol yalnız Uca Allaha yaxınlaşmaq niyyəti ilə, dünyəvi maraqlardan uzaq şəkildə seçilməlidir. Həmçinin qəlbin kin-küdurət və mənfi xüsusiyyətlərdən təmizlənməsinin zəruriliyini qeyd edib.

Hörmətli mərcəi-təqlid (kölgəsi davamlı olsun) həmçinin davamlı mütaliə, müzakirə və təkrara önəm verilməsini tövsiyə edərək, böyük alim və fəqihlərin həyat təcrübələrindən faydalanmağın vacibliyini bildirib. O qeyd edib ki, onlar ömürlərinin böyük hissəsini elm yolunda sərf edərək Əmirul-möminin imam Əli ibn Əbu Talibin (ə.s) məzhəbinə xidmət ediblər. Sonda vurğulayıb ki, elm sadəcə məqam və vəzifə deyil, hər şeydən əvvəl bir risalət və məsuliyyətdir.