Diyalə –  Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Diyalə şəhərindəki nümayəndəsi mübarək ayın gecələrini ihya etmək məqsədilə bir sıra zikr, təcvid və Quran tilavəti məclislərinə himayədarlıq etmişdir. Bu məclislər Mendəli qəzasında yerləşən “Hüseyniyyətuz-Zəhra (ə.s)” məkanında keçirilmişdir.

Şeyx Amir Cənabi bu mübarək gün və gecələrdən faydalanmağın əhəmiyyətindən danışaraq demişdir: “Şübhəsiz ki, mübarək Ramazan ayı Qurani-Kərimə qayıdış üçün həqiqi bir fürsətdir; təkcə oxumaq deyil, həm də anlamaq və ona əməl etmək baxımından. Quran həyatı tənzimləyən bir proqramdır. Ona sarılan şəxs dünya və axirətdə səadətə nail olar. O, Allah və Rəsulunun bizə sarılmağı əmr etdiyi iki ağır əmanətdən (səqəleyn) biridir ki, onların hidayətində azğınlıq yoxdur”.

Şeyx Cənabi, rayon əhalisinin iştirakından bəhs edərkən, gənclərimizin bu mübarək Quran məclislərinə geniş şəkildə qatılmasından qürur duyduğunu ifadə etmiş, bunun yüksək şüur və iman göstəricisi olduğunu vurğulamışdır. O, Allahdan bu məclisləri onların qəlbləri üçün nur etməsini və onlara savab yazmasını diləmişdir.

O həmçinin qeyd etmişdir ki, bu məclislər və dini fəaliyyətlər mübarək ayın ruhunu yaşatmaq, gənclərin Allahın kitabına bağlılığını gücləndirmək, həmçinin Qurani-Kərimin düzgün tilavətini və oxunuş qaydalarını öyrənmək məqsədi daşıyır.

‏