Şeyx Müsənna Rubeyi Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bəsrə şəhərindəki nümayəndəsi olaraq 170-dən çox geyim dəstini yetimlərə və ehtiyaclı (maddi vəziyyəti zəif olan) ailələrə paylamışdır. Bu yardım “Darul-Fərəh lil-Yətamə” (Yetimlər üçün Sevinc Evi) layihələri çərçivəsində həyata keçirilmişdir.

Şeyx Müsənna Rubeyi bildirib ki, bu cür təşəbbüslər dini mərcəiyyətin göstərişlərinə cavab olaraq həyata keçirilir. Bu göstərişlər yetimlərin qayğısına qalmağı və ehtiyaclı ailələrə dəstək verməyi xüsusi şəkildə vurğulayır. O qeyd edib ki, məqsəd mümkün qədər çox ehtiyac sahibinə çatmaq və onların əsas tələbatlarını təmin etməkdir.

O əlavə edib ki, bu cür humanitar fəaliyyətlər ictimai həmrəylik ruhunu əks etdirir və cəmiyyətin sabitliyinin güclənməsinə kömək edir. Həmçinin vurğulayıb ki, dini mərcəiyyətin göstərişlərinin real həyata keçirilməsi istiqamətində işlər davam etdirilir.

Şeyx Müsənna qeyd edib ki, yetimlərə və ehtiyaclılara dəstək müvəqqəti deyil, daimi bir yanaşmadır. Bunun məqsədi ailələrin çətinliklərini azaltmaq və cəmiyyətdə qarşılıqlı dəstək və həmrəylik ruhunu gücləndirməkdir.