Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) təmsilçisi və Nəcəful-Əşrəfdəki mərkəzi ofisinin direktoru Şeyx Əli Nəcəfi Nəcəful-Əşrəf şəhərində şəhid dini mərcə, Ayətullah əl Üzma Seyid Əli Xameneinin (r) ruhuna həsr olunmuş ehsan məclisində iştirak etmişdir.

Şeyx Əli Nəcəfi bu ağır müsibət münasibətilə dərin hüznlə başsağlığı verərək, mərhumun İslama və müsəlmanlara xidmət sahəsində gördüyü dini və rəhbərlik fəaliyyətini, həmçinin İslam dünyasında qoyduğu dəyərli irsi ehtiramla xatırlayıb.

O, Uca Allaha dua edərək mərhumu sonsuz rəhmətinə və razılığına qovuşdurmasını, onu geniş Cənnətində məskun etməsini, həzrət Peyğəmbər Muhəmməd (s) və onun pak Əhli-beyti (ə.s) ilə birlikdə məhşur etməsini, həmçinin ailəsinə, sevənlərinə və bütün İslam ümmətinə səbir və təsəlli bəxş etməsini diləyib.

Ehsan məclisində Nəcəful-Əşrəfdən çoxsaylı alimlər, elm hövzəsinin fəzilət sahibləri, rəsmi və ictimai xadimlər iştirak ediblər. Onlar mərhumun ailəsinə başsağlığı verərək Uca Allahdan ona geniş rəhmət diləyib, eyni zamanda İslam ümmətini hər cür bəla və təhlükədən hifz etməsini arzulayıblar.