Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bəsrə şəhərindəki nümayəndəsi Ərbəin ziyarəti münasibətilə imam Hüseynin (ə.s) zəvvarlarının qarşılanması üçün aparılan hazırlıqlar çərçivəsində Mədinə rayonunda yerləşən Həzrət Həvra Zeynəb (ə.s) Hüseyniyyəsinin açılış mərasimində iştirak edib.

Seyid Muhəmməd Cabiri bildirib: "Bu hüseyniyyənin istifadəyə verilməsi imam Hüseynin (ə.s) zəvvarlarına xidmət yolunda atılmış mübarək bir addımdır. Bu xidmətə töhfə vermək hər bir insan üçün böyük şərəfdir. Uca Allahdan bütün xidmətçilərə və könüllülərə müvəffəqiyyət diləyir, bu mübarək məkanın müqəddəs Kərbəla şəhərinə doğru yola çıxan zəvvarlara ixlasla xidmət, fədakarlıq və həmrəylik mərkəzinə çevrilməsini arzulayırıq".

O vurğulayıb ki, imam Hüseynin (ə.s) zəvvarlarına xidmət dini və əxlaqi baxımdan böyük məsuliyyətdir. Bu hüseyniyyənin açılması cəmiyyətin Hüseyni mərasimlərinin yaşadılmasına göstərdiyi diqqətin və yüksək şüurunun göstəricisidir. Seyid Muhəmməd Cabiri layihənin həyata keçirilməsində əməyi olan sakinlərə, xeyriyyəçilərə və könüllülərə təşəkkürünü ifadə edib.

O qeyd edib ki, açılış mərasimi yüksək mənəvi ab-hava şəraitində keçib və möminlər arasında əməkdaşlıq, həmrəylik və qarşılıqlı dəstək ruhunu nümayiş etdirib. Bildirilib ki, Ərbəin ziyarəti günlərində zəvvarların müqəddəs Kərbəla şəhərinə rahat şəkildə səfərlərini davam etdirə bilmələri üçün istirahət yerləri, qonaqpərvərlik xidməti və digər zəruri imkanların yaradılması istiqamətində bütün imkanlar səfərbər olunub.