Mərkəzi ofis:  Ayətullah əl Üzma Şeyx Bəşir Hüseyn Nəcəfi (kölgəsi davamlı olsun) bir sıra İslam ölkələrindən gələn möminlərin heyətlərini qəbul etmişdir. Bu ölkələrin başında İran İslam Respublikası, Pakistan İslam Respublikası və Hindistan Respublikası olmaqla yanaşı, bir sıra digər İslam və ərəb ölkələrindən də heyətlər iştirak etmişdir.

Heyətlər İraq Respublikasına imam Hüseynin (ə.s) Ərbəin ziyarət mərasimlərini yaşatmaq və Nəcəful-Əşrəfdəki mərcəi-təqlidlərin tövsiyə və göstərişlərindən faydalanmaq məqsədilə gəlmişlər.

Hörmətli mərcəi-təqlid (kölgəsi davamlı olsun) Allah-taaladan yer üzünün şərqindən qərbinə qədər bütün möminləri qorumasını, zəvvarlara əməllərinin və ziyarətlərinin qəbulunu, ilahi razılıq və məmnuniyyəti nəsib etməsini, İslam ümmətini düşmənlərin hiylələrindən uzaq saxlamasını diləmişdir.

Hörmətli mərcəi-təqlid (kölgəsi davamlı olsun) zəvvar üçün mühüm olan bir sıra ata qayğısı ilə verilmiş dini tövsiyə və göstərişləri çatdırmışdır. Bunların başında insanın bütün əməllərini yalnız Allah-taalaya yaxınlaşmaq və Onun razılığını qazanmaq məqsədilə yerinə yetirməsi dayanır. O, zəvvarın Allah-taalanın razılığı və ziyarətin qəbul olunması məfhumunu daim nəzərində saxlamasını, bunun üçün qəbulun şərtlərinə və əlamətlərinə riayət etməsini tövsiyə etmişdir.

Bu qəbulun ən mühüm əlamətlərindən biri isə zəvvarın öz ölkəsinə yeni bir insan kimi qayıtması, iman, hidayət və kamil insaniyyətin gözəl ətri ilə mənəvi cəhətdən zənginləşməsidir.

Hörmətli mərcəi təqlid (kölgəsi davamlı olsun) görüş zamanı möminlər üçün əhəmiyyətli olan bir sıra əqidəvi, fiqhi və əxlaqi məfhumları da izah etmiş, onlar üçün dünya və axirət xeyrini, ziyarətin və saleh əməllərin qəbul olunmasını Allah-Təaladan diləmişdir.