Nəcəful-Əşrəf: Ayətullah əl Üzma Şeyx Bəşir Hüseyn Nəcəfi (kölgəsi davamlı olsun) İran İslam Respublikasındakı elmi hövzələrin rəhbəri, Hörmətli Şeyx Əli Rza Ərafini və onu müşayiət edən heyəti qəbul etmişdir.

Hörmətli Şeyx Ərafi görüş zamanı özünün bir sıra əsərlərini hörmətli mərcəi-təqlidə (kölgəsi davamlı olsun) təqdim etmiş, həmçinin müqəddəs Qum hövzəsinin elmi və tədqiqat istiqamətləri barədə məlumat vermişdir.

Öz növbəsində, hörmətli mərcəi-təqlid (kölgəsi davamlı olsun) görüşdə iştirak edənlər və elmi hövzələrə rəhbərlik edən şəxslər üçün xeyir, islah, müvəffəqiyyət və Muhəmməd və Ali-Muhəmmədin (Allahın salamı və salavatı onların üzərinə olsun) elmləri sahəsində tərəqqi diləmişdir.

Görüşün sonunda Şeyx Ərafi hörmətli mərcəi-təqlidə (kölgəsi davamlı olsun) özünün mübarək vaxtını ayırdığına və etdiyi dualara görə təşəkkür və minnətdarlığını bildirmişdir.