Ayətullah əl Üzma Şeyx Bəşir Hüseyn Nəcəfinin (kölgəsi davamlınolsun) Vasit şəhərindəki nümayəndəsi Kut şəhərində namazların qılındığı zaman fiqh, əxlaq və əqidə mövzularında dini seminar və məruzələrin keçirilməsi istiqamətində fəaliyyətini davam etdirib.

Şeyx Muhəmməd Bədrinin sözlərinə görə, fiqh mühazirələri sadəcə şəri məlumatların təqdim olunmasından ibarət deyil. Əksinə, bunlar möminlərin dini şüur səviyyəsini yüksəltməyə, ibadət və müamilələrində ehtiyac duyduqları şəri hökmlərlə onları tanış etməyə yönəlmiş dini məsuliyyəti ifadə edir. O vurğulayıb ki, dini hökmləri öyrənmək insanın öz vəzifələrini düzgün şəkildə yerinə yetirməsinə və xətaya düşməkdən çəkinməsinə kömək edir.

O əlavə edib ki, məscid və hüseyniyyələrdə dini mühazirələrin davamlı şəkildə keçirilməsi İslam mədəniyyətinin möhkəmləndirilməsi və möminlərin şəri elmlə əlaqələrinin gücləndirilməsi baxımından mühüm addımdır. O, həmçinin məruzələrin məzmununun genişləndirilərək mükəlləfin gündəlik həyatında ehtiyac duyduğu müxtəlif məsələləri əhatə etməsinin vacibliyini qeyd edib. Bunun daha şüurlu və dini dəyərlərə və hökmlərə daha bağlı bir cəmiyyətin formalaşmasına töhfə verəcəyini bildirib.

O qeyd edib ki, dini məruzələrin keçirilməsi cəmiyyət üzvləri arasında şəri şüurun yayılması və dini mədəniyyətin gücləndirilməsi üçün mühüm vasitədir. Həmçinin bu proqramların davam etdirilməsinin zəruriliyini vurğulayıb. Çünki bu proqramlar dini hökmlərini bilən və onları gündəlik həyatında tətbiq edə bilən şüurlu bir nəslin yetişdirilməsinə təsir göstərir.