مرکزی دفتر نجف اشرف میں ماہ رمضان المبارک کی مبارک راتوں میں سالانہ مجلس وعظ و ارشاد

مرکزی دفتر نجف اشرف میں ماہ رمضان المبارک کی مبارک راتوں میں سالانہ مجلس وعظ و ارشاد

8/4/2022




مرکزی  دفتر  مرجع مسلمین وجہانِ تشیع حضرت آیۃ اللہ  العظمیٰ الحاج حافظ بشیر حسین  نجفی  دام ظلہ  الوارف نجف اشرف   میں  گذشتہ  سالوں  کی طرح امسال  بھی  ماہ  مبارک  رمضان  کی مبارک راتوں میں  مجلس وعظ و نصیحت   کا سلسلہ  ان شاء اللہ  آخری  ماہ مبارک  تک جاری  رہیگا  ۔
اس مجلس  میں مرجع عالیقدر دام ظلہ  الوارف   اور حوزہ  علمیہ   کے افاضل و علماء کی شرکت   کے علاوہ  مومنین کرام بھی شرکت  فرماتے ہیں  اور خطیب منبر حسینی  حجۃ الاسلام  شیخ علاء الکعبی  دام عزہ  کے خطاب سے مستفیض  ہوتے  ہیں  ۔
مرجع عالیقدر دام ظلہ الوارف  کے فرزند اور مرکزی دفتر  کے مدیر حجۃ الاسلام شیخ علی نجفی دام عزہ  نے    ایک  بیان  میں فرمایا  کہ  حسب دستور قدیم  ماہ مبارک  رمضان  کی راتوں  میں   مرکزی  دفتر  نجف اشرف  میں ان مجالس وعظ و نصیحت کا اہتمام  کیا جاتا ہے،ان مجلسوں  کی بقا ہی میں دین  اور شعائر کی بقا ہے   ، ان مجلسوں  کی برکت،  وعظ و نصیحت  سے مستفیض ہونے  کے ساتھ ساتھ ہمیں  سیرت اہلبیت نبوی علیھم السلام    کی یاد دہانی  ہوتی  رہتی ہے   اور ظاہر  ہے   ان شعائر  سے  سیکھنے اس میں غور و فکر  ہی میں معاشرے  کی بھلائی  ہے اور اپنے عقائد  اور دینی و مذہبی  شناخت  کو مزید راسخ کرنے  میں یہ  مہم عنصر ہے ۔