مرجع مسلمین و جہانِ تشیع حضرت آیۃ اللہ  العظمیٰ الحاج حافظ بشیر حسین نجفی دام ظلہ الوارف  نے مرکزی دفتر  نجف اشرف  میں   امام علی علیہ السلام  بریگیڈ  کے  سربراہ  کا خیر مقدم  کرتے ہوئے   ان سے اپنی پدرانہ  نصیحتوں اور ضروری  ارشادات   میں فرمایا کہ   میدان  جنگ میں  قدم  جمائے  مجاہدوں  کے دلوں  میں  اسلام  اور وطن  کی  محبت کو راسخ رکھنے کے ساتھ ساتھ  مومنین  کے دلوں میں  بھی  اسے راسخ  رکھئے   اور اس کے لئے  سیرت  نبویؐ  و سیرت اہلبیت ؑ  سے  فیضیاب  ہوں  ۔
انہوں نے  فرمایا کہ  انسانی  و ایمانی  ثقافت  و اقدار   عظیم رکن  ہیں  کہ جس کی  ادائیگی  میں  ہمارے  مجاہدین  مصروف  ہیں  ۔
مرجع عالیقدر دام ظلہ الوارف  نےفخر و مباہات  کرتے  ہوئے   فرمایا کہ   میری نظروں  میں  وہ منظر ہے   کہ  جب حشد شعبی  کے بہادر   ندائے  مرجعیت  پر   لبیک  کہتے  ہوئے  وطن اور عقیدے  کے  دفاع  میں  میدان جہاد کی طرف سبقت  کر رہے تھے  ۔
اپنی جانب سے موصوف  نے   مرجع عالیقدر دام ظلہ الوارف  کی نصیحتوں   پر عمل  کرتے رہنے  کے عزم کا اعادہ  کرتے   ہوئے   انکی طول عمر  کے لئے  بارگاہ  ایزدی  میں دعا کی  اور ان کا شکریہ  ادا کیا  ۔