نجف اشرف کی فضا اور ہَوا پوری دنیا کی فضا اور ہَوا سے مختلف ہے

نجف اشرف کی فضا اور ہَوا پوری دنیا کی فضا اور ہَوا سے مختلف ہے



13/1/2022


مرجع مسلمین و جہانِ تشیع حضرت آیۃ اللہ  العظمیٰ الحاج حافظ بشیر حسین نجفی دام ظلہ الوارف  نے   مرکزی دفتر  نجف اشرف  میں  لبنان سے  زیارت  کو آئے  مومنین کا  خیر مقدم کرتے  ہوئے  ان سے  اپنی  پدرانہ  نصیحتوں اور ضروری  ارشادات  میں فرمایا کہ  صدیقہ طاہرہ حضرت فاطمہ  زہرا علیھا السلام  کی سیرت  پاک  سے  خود  کو   منور  رکھئے  ، انہوں  نے  مزید فرمایا کہ  نجف اشرف  کو اللہ  نے  حضرت امیرا لمومنین علیہ السلام  کی قبر مطہر کے ذریعہ  ایسا شرف بخشا  ہے   کہ پوری دنیا  کے  مومنین  اس کی طرف  کھچے چلے آتے  ہیں اس لئے  کہ  مومنین کا حضرت امیر المومنین علیہ السلام   سے ایک خاص لگاؤ ہے   یہاں  آکر مومنین  زیارت  سے مشرف ہوکر    برکات الہیہ  کا خود کو مستحق  بناتے  ہیں  ۔
مرجع عالیقدر دام ظلہ الوارف  نے  فرمایا کہ  نجف اشرف  کی  فضا اور  ہَوا  پوری  دنیا کی فضا اور ہَوا سے  مختلف ہے   یہاں  مومن  کا سونا بھی  عبادت ہے   تصور  کیجئے  جہاں سونا عبادت  ہو وہاں  اگر کوئی  مومن  اعمال صالحہ  بجا لائے   تو اس کا کیا اجر ہوگا اور یہ  سب حضرت امیر المومنین علیہ السلام  کی  برکات  ہیں  ۔
مرجع عالیقدر دام ظلہ الوارف  نے   مومنین  کے شرعی و فقھی  سوالات  کے جوابات  بھی دیئے   اور انکی موجودگی  ہی  میں  مجلس عزا  کا بھی اہتمام ہوا   جس میں جناب زینب علیھا السلام  کی مصیبتوں  کا بیان  ہوا  خاص  کر وہ مصیبتیں کہ جسے  حضرت امام حسین علیہ السلام  کی  شہادت  کے  بعد جناب زینب علیھا السلام   نے رضائے الہی  اور دین کی بقا کی خاطر برداشت  کیا اور ان پر صبر کیا حاضرین نے حضرت امام زمانہ عج  کی  خدمت با برکت  میں  تعزیت  پیش کرتے ہوئے  بارگاہ ایزدی میں انکے  ظہور مقدس کے  لئے  دعا فرمائی۔



ٹیلیگرام کے نجفی چینل کو جوائن کریں


بھیجیں
پرنٹ لیں
محفوظ کریں