Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) təmsilçisi və mərkəzi ofisin müdiri Şeyx Əli Nəcəfi Nəcəful-Əşrəf şəhərində mərhum mücahid alim Seyid Muhəmməd Əli Bəhrül-ülumun (r) ruhuna həsr olunmuş Fatihə mərasimində iştirak etdi.

Şeyx Əli Nəcəfi, bir qrup alim və hörmətli mərcəi-təqlidin (kölgəsi davamlı olsun) ofisinin nümayəndələri ilə birlikdə mərasimdə iştirak edərək mərhumun ruhuna Fatihə oxudu və onun üçün dua etdi. Bu, kədər və başsağlığı duyğularının ifadəsi idi.

Hörmətli şeyx mediaya açıqlamasında belə dedi:

“Bizim üçün Seyidin vəfatı böyük təsir və boşluq buraxdı. Mərhum alim Məhəmməd Əli Bəhrül-ülum (r) dini səviyyədə, əxlaq və ədəb baxımından, həmçinin nəcabətli ailəsi və mübarək tarixi ilə xüsusi mövqeyə sahib idi. O, mərcəiyyətin etibarlı şəxsiyyətlərindən, onun gözlərindən biri, əllərindən biri idi. Buna görə də Seyid, böyük Bəhrül-ülum ailəsinin mirasında xüsusi yerə malikdir".

Sonda o, Uca Allaha dua edərək, mərhuma geniş rəhmət etməsini, onu pak əcdadları (ə.s) ilə birgə həşr etməsini dilədi. Şübhəsiz ki, Allah eşidən və biləndir.