Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Vasit şəhərinin Nomaniyyə qəsəbəsindəki nümayəndəsi Qurançılar İttifaqının növbəti dövri toplantısında iştirak etdi. Toplantıda bir qrup müəllim və Quran sahəsində fəaliyyət göstərən ictimai xadimlər iştirak etdilər.

Görüş zamanı Seyid Haşim Yasiri vurğuladı ki, Qurançılar Birliyi və İttifaqı Allah-taalanın tövfiqi ilə müntəzəm olaraq toplantılar keçirir. Məqsəd Quran işini inkişaf etdirmək, onu yüksəltmək və Allahın Kitabına xidmət göstərmək, eləcə də onun mübarək maarifini cəmiyyət içində yaymaqdır.

O, həmçinin qeyd etdi ki, İttifaq Qurani-Kərim mədəniyyətini yaymaq üçün bütün gücünü sərf edir. Çünki Quran dinin əsası və İslamın qapısıdır. Bu Allahın Kitabıdır ki, Öz şəriətini və dininin həqiqətlərini onun daxilində əmanət qoymuşdur, insanlara isə hidayət və nur saçan çıraq olaraq nazil etmişdir.

Seyid Yasiri Qurani-Kərimin Allahın tam sözü və bəşəriyyət üçün hər zaman və hər yerdə kamil iradəsi olduğunu vurğuladı. O, bu ayəni xatırlatdı:

“Bu, Bizim nazil etdiyimiz mübarək bir Kitabdır. Ona tabe olun və (Allahdan) qorxun ki, rəhm olunasınız”. (Ənam 6/155)

Sonda bildirdi ki, İttifaq bu böyük Kitaba xidmət etmək üçün ən yaxşı elmi və fikri proqramların hazırlanması istiqamətində çalışır, inşallah.