Diyalə – Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) ofisinin Diyalə şəhərindəki nümayəndəsi Kənan qəsəbəsində imam Musa ibn Cəfər Kazımın (ə.s) şəhadətinin ildönümü münasibətilə matəm məclisləri təşkil edib. Məclislərdə möminlər və bölgə sakinləri iştirak ediblər.

Şeyx Haşim Salman Şümməri mətbuata verdiyi açıqlamada bildirib ki, bu məclislər imam Kazımın (ə.s) şəhadətinin yad edilməsi, eləcə də onun əsl Muhəmmədi İslamı müdafiə etmək yolunda göstərdiyi böyük risaləvi mövqelərin xatırlanması məqsədi ilə keçirilib. O qeyd edib ki, imam Kazım (ə.s) zülm və azğınlıq qarşısında nümayiş etdirdiyi səbir və möhkəmliklə örnək bir şəxsiyyət olub.

Şeyx Şümməri əlavə edib ki, imam Kazım (ə.s) İslam risaləsinin həqiqi davamçısı olaraq, İslam dirçəlişinin rəhbər və simvollarını hədəfə alan repressiv siyasətlər qarşısında misilsiz fədakarlıq və dözümlülük nümunəsi təqdim edib.

O, həmçinin bildirib ki, məclis çərçivəsində keçirilən dini mühazirədə imam Kazımın (ə.s) həyat yolu, elmi və mənəvi məqamı, cəmiyyətdə iman və əxlaqi dəyərlərin möhkəmlənməsindəki dərin təsiri geniş şəkildə izah olunub. Şeyx Şümməri bu cür tədbirlərin dini şüurun artırılmasında və saf İslam prinsiplərinə bağlılığın gücləndirilməsində mühüm rol oynadığını vurğulayıb.

Məclisin sonunda Şeyx Haşim Salman Şümməri imam Musa ibn Cəfər Kazımın (ə.s) şəhadəti münasibətilə imam Höccət ibn Həsənə (ə.f), mərcəi-təqlidlərə və bütün İslam ümmətinə başsağlığı verib.