Seyid Mahmud Ərəci Neynəva şəhərində Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) nümayəndəsi olaraq umam Əli ibn Musər-Rzanın (ə.s) doğum günü münasibətilə Şəngal rayonunda dini mərasim təşkil etmişdir.

O bildirib ki, Peyğəmbər (s) ailəsinə bağlı mərasimlərin yaşadılması dini şüurun gücləndirilməsi və saf dəyərlərin möhkəmləndirilməsi baxımından mühüm bir mərhələdir. O qeyd edib ki, imam Rzanın (ə.s) doğum günü insanlara ümid və rahatlıq verir, qəlbləri haqq yoluna və Peyğəmbər (s) ailəsinə məhəbbətə yönəldir.

O vurğulayıb ki, İraqın şimal bölgələrində, xüsusilə Neynəva şəhərinin qərbində yerləşən Şəngal kimi ərazilərdə bu cür dini mərasimlərin keçirilməsi cəmiyyətin birlik və həmrəylik ruhunu göstərir. Çətin şəraitə baxmayaraq mədəni və dini fəaliyyətlərin davam etdirilməsi möminlərin dini kimliyini gücləndirir.

Seyid Mahmud Ərəci əlavə edib ki, mərasimdə dini məhəbbətə aid şeirlər və mədəni proqramlar yer alıb və iştirakçılar arasında mənəvi sevinc və iman dolu bir atmosfer yaranıb. Tədbirdə Peyğəmbər (s) ailəsinin təcəssüm etdirdiyi dəyərlər və prinsiplər xatırladılmışdır.