Sual:Sual: Bütün növ kafel və mərmərlərin üzərinə, eləcə də təmiz olan kağız pulların üzərinə səcdə etməyin hökmü nədir?

Cavab:Allahın adı ilə. Kafel və mərmər süni materialdan hazırlanıb təbii daş deyilsə, onun üzərinə səcdə etmək caiz deyil. Əgər təbii daşdan hazırlanıbsa, səcdə etmək olar. Kağız pullara gəldikdə isə, əgər üzərində canlı şəkli yoxdursa, onların üzərinə səcdə etmək olar. Amma kağız pulun digər üzünə çevirib o tərəfə səcdə etmək də mümkündür. Allah daha yaxşı biləndir.

Sual:Səcdə ayəsini səs yazısından və ya oxşar cihazlardan dinlədikdə səcdə etmək vacibdirmi?

Cavab:Allahın adı ilə. Yalnız diqqətlə qulaq asıldıqda səcdə etmək vacibdir. Allah daha yaxşı biləndir.

Sual:Qara çay yarpağına və Şah Məqsud Bay Zəhr təsbehinə səcdə etmək caizdirmi?

Cavab:Allahın adı ilə. Çay yarpağına səcdə etmək caiz deyil. Amma qeyd olunan təsbehin daşı üzərinə səcdə etmək olar, bir şərtlə ki, muncuqlar bir yerdə daş kimi bütöv olsun. Bu isə adi təsbehlərdə mümkün deyil. Allah daha yaxşı biləndir.

Sual: Möhürü müəyyən bir tərəfə hərəkət etdirməyim məsələn ikinci səcdədən qalxdıqdan sonra, ona baxmaqla hansı rükətdə olduğumu bildirməsi üçün caizdir? Bu, rükətlərdə unutqanlığın qarşısını almaq üçündür.

Cavab: Allahın adı ilə, Bunun heç bir maneəsi yoxdur. Allah daha yaxşı biləndir.

Sual: Namazda səcdə haçan başlayır? Dəqiq formada alın möhürə toxunduqda yoxsa alın möhürə dəyərək başın sabit olması ilə olur?

Cavab: Allahın adı ilə, Alının möhürə dəyməsi ilə başlayır çünki səcdə alnın səcdəsi düzgün olan şeylərə dəyməsidir. Allah daha yaxşı biləndir.

Sual: Əgər Kərbəla möhürü bərabər olmaya eləki onun üzərində balaca daşlar və ona bənzər şeylər ola və səcdə edilən zaman həmən daşlardan alına yapışaraq qala, namaz səhihdir?

Cavab: Allahın adı ilə, Gərək yer təbii insanın baş barmağı miqdarında düz ola. Allah alimdir.

Sual: Məsciddə namaz qılmaq üçün möhürün üzərinə səcdə edərkən onun ölçüsünü ölçmək vacibdir? Əgər möhürün ölçüsündə şəkk olsa hökm nədən ibarətdir?

Cavab: Allahın adı ilə, Namazın səhihliyində səcdədə möhür mütəarəf insanın baş barmağı ölçüsündə olması kifayət edir və bunu ehraz etmək lazımdır. Allah daha yaxşı biləndir.

Sual: Alnımız yaş halında vacibi namazın səcdələrini yerinə yetirsək, namaz düzgün sayılacaq?

Cavab: Allahın adı ilə, Əgər səcdə yeri palçığa çevrilməsə düzgün sayılacaq. Allah alimdir.

Sual: Əgər bir şəxsin alnı, baş barmağı miqdarındada səcdə etməyə imkanı çatmayacaq qədər deşik olsa, onun hökmü nədir?

Cavab: Allahın adı ilə, Alnın iki tərəfinin biri üzərinə səcdə edəcək, əgər imkanı çatmasa burunu ilə səcdə edəcək, əgər bunada imkanı çatmasa səcdə miqdarında əyilməklə kifayətlənəcək. Ehtiyat vacibə görə səcdə miqdarında əyilməklə çənə ilə səcdə etməyin arasını cəm edəcək, hətta namazı təkrar qılmaqla olsa belə, əgər alnın ətrafına səcdə edə bilmirsə çənəyə səcdə etməklə kifayətlənəcək. Allah daha yaxşı biləndir.

Sual: Səcdədə qiraət zamanı alnın hansı hissəsinin möhürə dəyməsinin vacib olan hissəsində şəkkin hökmü nədir?

Cavab: Allahın adı ilə, Əgər insan alnın bir hissəsinin səcdə yerinə dəyməsini təkid etməsə, ona səssiz qalaraq və alnını sürüşdürərək səcdə üçün münasib olan yerə alnını səcdə yerinə qoyduqdan sonra səcdənin zikirlərini yerinə yetirməsi vacibdir və alının əlin baş barmağının ucu miqdarında səcdə edilməsi səhih olan yerlə qarşılaşdırması vacibdir. Allah alimdir.