Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bağdad şəhərinin Əş-Şəab bölgəsində, Tüccarlar məhəlləsində yerləşən nümayəndəsi, Əmirul-möminin imam Əli ibn Əbi Talibin (ə.s) fəzilətləri və həyat yolu mövzusunda dini mühazirəyə rəhbərlik etdi.

Şeyx Mustafa Amiri mühazirəsi zamanı dedi: “Əmirul-möminin imam Əli (ə.s) dəyərli xüsusiyyətlərlə zəngin bir həyat yaşamışdır. Onun ən bariz xüsusiyyətlərindən biri, insanlara münasibətdə sərgilədiyi insani yanaşma, yəni insanı kimliyindən asılı olmayaraq yalnız insan olduğu üçün hörmət etməsi, onun maddi və mənəvi haqlarını və şəxsiyyətini qoruması idi".

O, çıxışında vurğuladı ki, bu böyük həyat yolu, insanın şəxsi və ictimai həyatına təsir edən bir model olmaqla yanaşı, Allah-taalanın razılığına aparan yoldur. O, bizə bu geniş sahədə dərs üstə dərs vermiş, həyatın düzgün yollarını və iki dünyada uğur qazanmağın yollarını göstərmişdir. O, insanlıq uğrunda şəhid olmuş, seçkin mövqeləri ilə tanınan ədalətli və mərhəmətli imam idi. Həqiqətən də, o, hər dövrdə və məkanda azad qəhrəmanların tərənnüm etdiyi həyat əfsanəsidir.

Şeyx Amiri, bu böyük müsibət münasibətilə imam Zamana (ə.f), mərcəi-təqlidlərə və bütün İslam ümmətinə dərin hüznlə başsağlığı verdi.