Paytaxt Bağdad…Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) nümayəndəsi fiqh və əxlaq mövzularında bir sıra dini mühazirələr təşkil edib.

Seyyidiyyə bölgəsində yerləşən “Əshabul-Kisa” (ə.s) məscid və hüseyniyyəsində, Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bağdad nümayəndəsi tərəfindən fiqh və əxlaq sahəsində bir sıra dini mühazirələr keçirilib.

Şeyx Əbdürrəsul Əttar həmin mühazirələrdə çıxış edərək dini və elmi maarifə sahib olmağın əhəmiyyətindən danışıb və bildirib ki, bu, bizi savadlı təbəqədən olmağa sövq edir. Çünki İslam dini və Əhli-beyt (ə.s) məzhəbi hər zaman maarifin və mədəniyyətin yayılmasını və bu biliklərlə silahlanmağı vacib bilmişdir. Çünki hər zaman bu biliklərə ehtiyac vardır.

O, çıxışında deyib: “Biz yerli və beynəlxalq şəraitlə qarşı-qarşıyayıq. Buna görə də elmləri yaymalı və elm əhlini, bilik və maarif sahiblərinin həyatdakı mövqeyini və insanlıq üçün gördüyü böyük işləri dərk etməliyik".

Şeyx Əttar, həmçinin qeyd edib ki, insan böyük mənəvi həyatını və ruhani dəyərlərini tərk edərək maddiyyata aludə olmuş bir dünyada yaşadığı üçün, biz şəriətə uyğun şəkildə biliklə silahlanmalı və bu dəyişkən şəraitlərdən təsirlənmədən düzgün istiqamətdə fəaliyyət göstərməliyik.