Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Diyalə şəhərinin Xalis bölgəsindəki nümayəndəsi möminlərdən ibarət bir heyətlə birlikdə müqəddəs Kərbəla şəhərindəki pak hərəmləri ziyarət etdi.

Şeyx Haşim Şümməri bu barədə dedi:

“İbadət proqramımız müqəddəs Kərbəla şəhərindəki pak hərəmlərin ziyarətini əhatə edirdi. Məqsədimiz imam Hüseynə (ə.s) və onun qardaşı Əbulfəzl Abbasa (ə.s) əhdimizi yeniləmək idi. Şəhərimizin mömin övladlarından bir qrup ilə birlikdə bu ziyarəti ən gözəl və layiqli şəkildə həyata keçirdik, onların xidmətində olduq və qayğılarını daşıdıq".

O əlavə etdi:

“Nümayəndəlik olaraq bizim geniş dini proqramımız var. Məqsədimiz Allah-taalanın və Onun Əhli-beytinin (ə.s) razılığını qazanmaq, həmçinin təbliğ və risalət fəaliyyətimizi bu məqsədlə davam etdirməkdir. Biz Nəcəful-Əşrəfdəki müdrik mərcəiyyətin göstərişlərini mömin camaata çatdırmaq və onları mərcəiyyətlə bağlı saxlamaqla İslam dininə və müqəddəs məzhəbə xidmət edirik".

Şeyx Şümməri sonda qeyd etdi ki, müqəddəs ziyarətgahların ziyarətindən tam mənada faydalanmaq lazımdır. Bu ziyarətlər həm dünya, həm də axirət üçün faydalı olmalı, insanın öz nəfsini hesaba çəkməsinə, davranış və həyat tərzini daha yaxşı istiqamətə dəyişməsinə bir başlanğıc nöqtəsi olmalıdır.